Réttur | Framboð, brottvísunarmál og meira um Guðmundar- og Geirfinnsmál
8948
single,single-post,postid-8948,single-format-standard,ajax_fade,page_not_loaded,,,,wpb-js-composer js-comp-ver-3.6.12,vc_responsive
 

Fréttir / News

RA-CAW-JPJ

Framboð, brottvísunarmál og meira um Guðmundar- og Geirfinnsmál

  |   Fréttir af stofunni

Það skemmtilega atvik átti sér stað í gær að þrír lögfræðingar Réttar komu fyrir í þremur fyrstu fréttunum í kvöldfréttum Stöðvar 2.

Í fyrstu fréttinni var greint frá því að Jórunn Pála Jónasdóttir hefði verið valin til að sitja í 9. sæti á framboðslista Sjálfstæðisflokksins í komandi borgarstjórnarkosningum í maí. Í sömu frétt var einnig greint frá því að Hildur Björnsdóttir, fyrrum starfsmaður Réttar, myndi skipa 2. sæti listans. Sjá meira um málið hér.

Í annarri fréttinni var rætt við Claudie Ashonie Wilson um dómsmál sem hún rekur og talið er að verði fordæmisgefandi um rétt barna samkvæmt 102. gr. útlendingalaga. Í fréttinni var rætt um staðreynd að Útlendingastofnun hefur ákveðið að vísa viðkomandi fjölskyldu úr landi þrátt fyrir dómsmálið og ætluð áhrif ákvörðunarinnar á málareksturinn. Í viðtalinu sagði Claudie meðal annars: „Þetta náttúrulega snýr að því hvað er barninu fyrir bestu. Hvort þetta barn hafi líka rétt á því að fá úrlausn dómstóla um sín mál“. Sjá má meira um málið hér.

Í þriðju fréttinni var rætt við Ragnar Aðalsteinsson um stöðuna í Guðmundar- og Geirfinnsmálinu, en líkt og greint var frá á heimasíðu Réttar í gær hafa fjölmiðlar verið áhugasamir um þá niðurstöðu setts ríkissaksóknara að krefjast sýknu í málinu. Sjá meira um umfjöllun Ragnars hér.

Fréttatíma Stöðvar 2 frá því í gær má sjá í heild sinni hér.

Þá fjallaði Ragnar einnig um stöðu málsins í Kastljósi í gær ásamt öðrum verjanda í málinu, Jóni Steinari Gunnlaugssyni. Sjá má umfjöllun Kastljóss hér.