Katrín Oddsdóttir, lögmaður á Rétti, gagnrýnir aðgerðarleysi stjórnvalda vegna hvalveiða
Katrín Oddsdóttir, lögmaður og ráðgjafi á Rétti, sat fyrir svörum í kvöldfréttum í gær, f.h. Náttúruverndarsamtaka Íslands, vegna kolsvartrar skýrslu MAST um hvalveiðar á Íslandi. Katrín var ómyrk í máli um veikan grundvöll gildandi starfsleyfis sem heimilar hvalveiðar í ljósi sláandi samantektar um meðferð dýranna við veiðarnar. Hvatti hún matvælaráðherra til að bregðast við án tafar og afturkalla leyfið í ljósi niðurstaðna skýrslunnar.
Samtökin meta nú hvort grundvöllur sé fyrir málssókn gegn íslenska ríkinu vegna aðgerðarleysis í eftirliti með hvalveiðum. Í því samhengi hafa samtökin meðal annars til skoðunar loftslagsskuldbindingar íslenska ríkisins og skuldbindingar sem má leiða af lögum um dýravelferð, auk rétti einstaklinga til heilnæms umhverfis.