Oddur Ástráðsson nýr eigandi á Rétti
Oddur Ástráðsson hefur bæst í hóp eigenda á Rétti – Aðalsteinsson & Partners. Oddur útskrifaðist sem Mag. Jur. frá Háskóla Íslands árið 2015 og með LL.M-gráðu í alþjóðlegum og evrópskum skattarétti frá Háskólanum í Uppsölum árið 2017. Hann hefur þegar hafið störf.
Oddur starfaði áður hjá LOGOS og var eigandi hjá LMG lögmönnum auk þess sem hann vann með námi á skrifstofu Umboðsmanns Alþingis. Helstu starfssvið Odds eru skattaréttur og vinnuréttur auk almennrar lögfræðiráðgjafar og málflutnings.
Sigurður Örn Hilmarsson, eigandi á Rétti:
„Við bjóðum Odd hjartanlega velkominn í eigendahóp Réttar og hlökkum mikið til þess að vinna með honum. Oddur býr yfir umtalsverðri starfsreynslu og sérþekkingu sem mun nýtast viðskiptamönnum stofunnar, sérstaklega stéttarfélögum, atvinnurekendum og launafólki þegar viðkemur á ört stækkandi sviði vinnuréttar.”
Réttur fagnar komu Odds, enda mun sérfræðiþekking hans nýtast einstaklega vel innan Réttar.